Қазақстан Республикасы Президентiнiң “Бухгалтерлiк есеп туралы” Жарлығына сәйкес кiтапхана қорын тексеру мына жағдайларда жүргiзiледi:
- Қор үшiн жауапты қызметкер ауысқанда;
- Әлденендей бiр табиғи апатқа ұрынған жағдайда, өрт басқа да төтенше жағдай болғанда;
- Ұрлық фактiсi анықталғанда, құжаттар бүлiнген жағдайда;
- Кiтапхана қорын немесе бiр бөлiгiн жалға берген жағдайда;
- Кiтапхана қайта құрылған немесе жабылған жағдайда.
Кiтапхана қорын тексеру түрлi тәсiлмен (бақылау талондары арқылы, мүлiк кiтабы арқылы) келесi мерзiмдерде жүргiзiледi:
- Сейфте сақталатын өте құнды қорлар – жыл сайын;
- Өте сирек кездесетiн қорлар – 3 жылда бiр рет;
- Құнды қорлар – 5 жылда бiр рет;
- Кiтапхана қорының есептiк бiрлiгi 100 мыңға дейiн болса – 5 жылда бiр рет;
- Кiтапхана қорының есептiк бiрлiгi 100 мыңнан 200 мыңға дейiн болса – 7 жылда бiр рет;
- Кiтапхана қорының есептiк бiрлiгi 200 мыңнан 1 миллионға дейiн болса – 10 жылда бiр рет;
- Кiтапхана қорының есептiк бiрлiгi 1 миллионнан астам болса, тексеру жұмыстары кезекпен таңдаулы бөлмелерде жүргiзiлiп, 15 жылдың iшiнде аяқталуы тиiс.
Кiтапхана қоры бар кiтапхананың немесе оның құрылымдық бөлiмшелерiнiң басшысы ауысқанда кiтапхана қорына немесе оның бiр бөлiгiне жүргiзiлген тексеру кезектi тексерiлуге теңеледi.
Тексеру түсiндiрме хат жазылған және жоқ кiтаптардың тiзiмi көрсетiлген акт жасаумен аяқталады.
Актiде көрсетiлген тексеру нәтижелерi сақтау комиссиясында немесе қор жөнiндегi басқа алқалы органда қаралады. Шешiм негiзiнде есептен шығару туралы акт бекiтуге берiледi.