Қазақ қыздары арасынан шыққан алғашқы ағартушы-педагогтарҚазақ әйелдерінің арасында ХХ ғасырдың басында оқу-өнерге талпынғандары аз болмаған. Олар өздері сауат ашысымен халық ағарту ісіне араласып, алған білімдерін елге таратушылар болды. Көбінің мамандығы мұғалімдік еді. Олар қазақ әйелдерінің біліммен қарулануға, қоғамдық істерге араласып, қараңғы халықтың көкірек-көзін ашуға шақырып отырды. Өздері де мұғалімдіктен кейін түрлі мамандықтарды игерумен ғана шектелмей, бар өмірлерін ел тағдырына арнаған абзал жандар болды. Сол кездегі қазақ әйелдерінің арасынан суырылып шығып, өз халқына өнер, мәдениет, білім сәулесін шашқан алғашқы қарлығаштар – Нәзипа Құлжанова, Алма Оразбаева, Нағима Арықова, Сара Есова, Шолпан Иманбаева, Шахзада Шонанова, Ләзиза Серғазиналар болды.       |