Асқар Закариннің туғанына 110 жыл толуына арналған «ҰЛАҒАТТЫ ҰСТАЗ, ҚАЙРАТКЕР, ҒАЛЫМ» атты еске алу кеші2018 жылдың 6 желтоқсанында Қазақстан Республикасы Білім және ғылым министрлігінің Республикалық ғылыми-педагогикалық кітапханасының ұйымдастыруымен көрнекті мемлекет және қоғам қайраткері, Қазақ КСР Ағарту және Сыртқы істер министрі, Қазақ КСР Жоғары кеңесінің төрағасы, Қазақ КСР-нің еңбек сіңірген мұғалімі, Қазақ КСР-нің еңбек сіңірген жоғары мектеп қызметкері, Халық ағарту ісінің ұйымдастырушысы Ұлы Отан соғысының ардагері, профессор Асқар Закариннің туғанына 110 жыл толуына арналған «ҰЛАҒАТТЫ ҰСТАЗ, ҚАЙРАТКЕР, ҒАЛЫМ» атты еске алу кеші өтті. Кешке шақырылған қонақтар: 1. Закарина Нэлли Асқарқызы – химия ғылымдарының докторы, профессор, жастар тәлімгері, Асқар Закариннің қызы 2. Закарин Едіге Асқарұлы – техника ғылымдарының докторы, ғылым мен техника саласы бойынша Қазақстан Мемлекеттік сыйлығының иегері, физик-ғалым, профессор, Асқар Закариннің баласы 3. Байзақов Сәбит Байзақұлы -экономика ғылымдарының докторы, академик, профессор, Асқар Закариннің туысқан інісі 4. Жетпісбай Бекболатұлы – экономика ғылымдарының кандидаты, әл-Фараби атындағы Қазақ Ұлттық Университетінің профессоры, Асқар Закариннің жерлесі 5. Қияқбаева Ұлбосын Қозыбайқызы – Абай атындағы Қазақ Ұлттық педагогикалық университетінің Мектепке дейінгі білім және әлеуметтік педагогика кафедрасының меңгерушісі, педагогика ғылымдарының кандидаты, профессор Кеш қонақтары Асқар Закарин туралы естеліктер айтып, өз ойларын ортаға салды. Асқар Закариннің өмірі мен қызметі туралы қысқаша хабарламаны жасаған Республикалық ғылыми-педагогикалық кітапхананың қызметкері Құсайынова Жұмагүл. Кешке Абай атындағы Қазақ Ұлттық педагогикалық университетінің, Алматы қаласындағы жоғары оқу орындарының студенттері, ғылыми қызметкерлер, кітапхана оқырмандары қатысты. Асқар Закариннің өмірі мен қызметіне арналған «РУХЫ БИІК ҰСТАЗ» атты тақырыптық кітап көрмесі ұйымдастырылды. Кештің жүргізушісі кітапхана қызметкері Оразова Әлия.
          |